"Балдаурен" мектеп жанындағы лагерінің ашылуы

Көктерек негізгі орта мектебі

Жазғы лагерь

Мектепішілік «Балдәурен» жазғы сауықтыру алаңының ашылуы

I жүргізуші: Қайырлы күн! Қадірменді ұстаздар, бүлдіршін балалар, оқушылар «Балдәурен» жазғы сауықтыру легерінің ашылу салтанатына қош келдіңіздер!

ІІ жүргізуші:

Қазақстан Тәуелсіз ел екенбіз.

Жоғалмасын ешқашан берекеміз

Шын ниетпен сендерді құттықтаймыз

Құтты болсын, бүлдіршін мерекеңіз

I жүргізуші:

Арманы бір, үні бір,

Аға ардақты, іні бір

Бақыт туын көтерген

Балалардың күні бұл.

ІІ жүргізуші

Бала бағы бар елдің.

Гүлмен келсін келер күн

Балалардың күлкісі

Көркі, сәні әлемнің.

I жүргізуші: Жазғы сауықтандыру лагерін ашу рәсімі мектеп директоры Маннанова Қарлығаш Нұрмахамбетовнаға беріледі.

II жүргізуші:

Бүгін қызық,бүгін той

Біздер үшін біліп қой

Дөңгеленсін би-билеп

Жалғастырсын ойды-ой

І жүргізуші:

-Балалар, сендер бүгін қандай мейрам екенін білесіңдер ме?

-Дұрыс, Балаларды қорғау күні.Бұл мереке алғаш рет 1950 жылы Дүние жүзі бойынша аталып өткен. Сендерді мерекелеріңмен құттықтаймыз.

II жүргізуші: Бізде бүгін екі мереке, балалар күнімен қатар келген лагердің ашылу салтанаты құтты болсын! Құттықтау сөзі мектеп директорының оқу ісі жөніндегі орынбасары Молдахметова Бибінұр Темірбековнаға беріледі.

I жүргізуші: Ал енді ортамызға даярлық сынып оқушыларын өлең шумақтарымен шақырайық.

Думан: Біз бақытты баламыз

Оттай лаулап жанамыз

Балдәуреннің төрінде

Шырқап әнге саламыз.

Сагида: Келді міне тағы жаз,
              Күн шуағымен жылытады.
              Жылуын төгіп бізге,
              Бәрімізді қуантады.

Нұрхан:  Бала, бала,баламыз,

Бақшамызға барамыз.

Күні бойы қызыққа,

Батамызда қаламыз.

Нұрболат: Біз бақытты баламыз,

Ақылдымыз,данамыз.

Ертеңгі күн еліміздің,

Батырлары боламыз.

Дана: Ортақ мекен жер шары,

Төбемізде бір аспан.

Барлық ұлттың баласы,

Достығымыз жарасқан.

Нәби: Бізбен бірге бар әлем,

Қуанады балаша.

Қуанышқа бөленген,

Өмір қандай тамаша.

Әліби: Басты қоссақ бәріміз,

Біздер елдің сәніміз.

Шаттық,бақыт,қуаныш,

Елімізге сыйлаймыз.

II Жүргізуші: Ал енді,балалар, ойымызды сергітіп,жұмбақтар шешеміз. Тапқырлық танытқан балаға сыйымыз бар. 
 

       Арасынан гүлдердің,

       Ұшып жүрген гүл көрдім.
       Қырға біткен гүлдердің

       Шырын, сөлін жиып жүр.(көбелек)
 

       Тәттісін әкеп қыр-белдің,
       Ұясына құйып жүр.
       Қалтасына баласын,

       Салып алып қашады.
       Секірсе, таң қаласың,

       Алты қырдан асады.(кенгуру)
 

        Суда жүзу, мұзда жүру-

        Оған қиын іс емес.
        Ол не болды сондағы
        Балық емес, құс емес.(кеме)
 

       Екі көзі шарадай,

       Түнде жарық шашады.

       Қараңғыда қапысыз
       Тышқандарды көреді. (жарғанат)

       Тақияға шанышқан

        Жапырлаған көп ине,
        Ұстайын деп асықсам,
        Кілең көзі жоқ ине.(жұлдыз)
      

        Үсті тас, асты тас,

        Екі тастың арасы
        Төрт аяқ пен жалғыз бас.( тасбақа)

         Саз балшықтай көл дейтін

         Жер түртуді жөн дейтін
         Қорсылдаған бір хайуан
         Он-он бестен төлдейтін. (доңыз)
    

          Мұхиттарда жүзетін

          Бір керемет бар тағы:

          Арқасынан тыз етіп,

          Атқылайды фонтаны. (Кит)