«Сәт сапар, жас түлек!»

29.06.2021

Көктерек ауылының НОМ.

 

«Сәт сапар, жас түлек!» атты салтанатты жиынының сценарий

 

1Жүргізуші: Армысыздар құрметті қонақтар, ұлағатты ұстаздар, ардақты ата-аналар және мектеп бітіруші түлектер!

Бүгінгі «Сәт сапар, жас түлек !» атты мектептің бітіру  кешіне қош келдіңіздер.

 

2Жүргізуші: Бүгінгі күн әрбір жас түлектердің жүрек түкпірінде мәңгі сақталып қалатын күн. Бүгінгі мектеп бітіруші жас түлектеріміздің алдағы өмір жолдары сәтті болып, ашық аспан, Отанымыз тыныш, Тәуелсіздігіміз тұғырлы болсын! – деп салтанатты кешімізді бастауға рұқсат етіңіздер.

 

1Жүргізуші:  Жүздеріңнен көрем шаттық арайын,

Болсын солай әрбір күнің, әр айың.

Тойларыңыз құтты болсын ата-ана,

Тойларыңыз құтты болсын ағайын!

 

2Жүргізуші: Нұрлы үмітін арқалаған арқаға,

Жан сәулесін тарататын баршаға,

Шын пейілімізбен құрметімізді көрсетіп,

Түлектерді шақырайық ортаға!

 

1Жүргізуші: Сезіледі жүректердің лүпілі ,

Жиі – жиі соғатындай бір түрлі .

Бозбала мен бойжеткендер сендерге ,

Еркелік те жарасады бұл күні .

 

2Жүргізуші:Ойы ұшқыр Жанерке

Математиканы сүйеді

Қиын есеп болса да

Лезде шешіп береді.

 

2Жүргізуші:Ортамыздың ажары

Жаннұр ерке қыз

Әр қылығын көтеріп

Еркелете береміз.

 

1Жүргізуші:Айдай сұлу Алиямыз,

Ардақты біздің қызымыз.

Сыңғырлаған күлкісі бар,

Күлімдеген даусы бар .

 

1Жүргізуші:Сабырлы,жайсаң мінезі

Адалдықты сүйеді

Бәрі де сыйлайды

Сыныптас құрбы

 

 

2Жүргізуші:Мектеп үшін жаралған жүрегіңіз,

Бүгін міне ұшқалы отыр түлегіңіз,

Ақ жол тілеп, сәт-сапар деп мерекеде,

Арналсын түлектерге тілегіңіз – дей келе алғашқы құттықтау сөз мектеп директоры Маннанова Қарлығаш Нұрмұхамбетовнаға беріледі.

 

 

1Жүргізуші: Менің ұстаздарым, үміт жібін үзбеген,

Білім шыңнан жарық сәуле іздеген.

Бүлдіршінді жетелер кеп партаға,

Ұшыратын қимас нұрлы жүзбенен- дей отырып, түлектеріміздің «Ұстазым»-атты әнін қабыл алыңыздар.

 

1Жүргізуші: Өрендер кетті, сендерден енді балалық,

Тұрсыңдар міне, болашақ күнге жол ашып.

Кетігін елдің жетілдірер бол азамат,

Бір кірпіш болып дүниеге мына қаланып.

9 жыл оқып, білімің түсті нұрлана

Куәлік  алғалы тұрсың осынау ордада.

Куәлік деген – азаматтық куәсі,

Куәлік деген - өмірге берген жолдама-дей келе көптен күткен қуанышты кезең, 9жылғы төккен теріңнің жемісі,9 жыл бойы алған біліміңнің белгісі

9 сыныпты бітіргені туралы құжатты  тапсыру  рәсімі және бұйрықпен таныстыру  мектеп директоры ________________мен директордың оқу ісінің орынбасары _______________________тапсырамыз.

 

2Жүргізуші:Кешіміз басталды салтанатты,

Төгілген күн нұрының шапағаты,

Мың бұралып бишілер би билейді.

Халайық қол соғыңыз мархабатты.- дей келе, түлектеріміздің   биін қабыл алыңыздар!\флешмоб\

 

 

1Жүргізуші:Шәкірт әр кез бағамдар,

Ұлағатын ұғып мың.

Ата-анаңдай алаңдар

 Жетекшісі сыныптың.

Ақылымен қыр астым,

Еңбегі анық білінді.

Намысы үшін кластың

 Бізбен бірге жүгірді.

 

2Жүргізуші:Соны бойға мұра ғып,

Тәрбиеге иландық.

Сізбен бірге қуанып,

Сәтсіздікке қиналдық.

Қиындыққа бол дайын,

Дейсіз жолға қосар да.

Еңбегіңіз әрдайым

 Жана берсін қашанда.----Ортаға түлектеріміздің сынып жетекшісі ___________________________шақырамыз.

 

1Жүргізуші:   О, мектебім, қашанда сен естесің,

Сен жайлы әркез төгелік жырдың кестесін.

Сені ұмытсам білімімнің ұясы,

Мені адамдар еш уақытта кешпесін- дей отырып «Қош бол, мектебім» атты әнді қабыл алыңыздар.

 

1Жүргізуші:   Ақырын жүріп,анық бас,

Еңбегің кетпес далаға.

Ұстаздық қылған жалықпас ,

Үйретуден балаға –деп Абай атамыз айтқандай сөз кезегін түлектерімізге береміз. /шар/

1Жүргізуші:   Жақсылыққа жаралған жүрегіңіз.

Сөз берелік құрметпен өзіңізге.

Шәкірттерге арналсын тілегіңіз – деп, келесі құттықтау сөз кезегін қонақтарымызға береміз.                                                                                                            

2Жүргізуші:  Бақытымсың, жаным анам, жан анам,

Мен өзiңдi періштеге балағам.

Ауырмашы,  қартаймашы ешқашан.

Мақсатыңа жетші әр кез қалаған.

Өзіңсің ғой өмірімнің тірегі.

Аман жүрсең - маған сол гой керегі.

Бақытты бол, ауырма деп тілейді

 Сәбиiңнiң жұдырықтай жүрегі!-дей отырып түлектерімізді және ата –аналарын ортаға шақырамыз\алғыс\

 

1Жүргізуші:  Ортамызға мектептің құрметті ұстаздарымызды шақырайық

\ойын-шляпа\

2Жүргізуші:  Балалық шақ ұмытылмас қызықты

Ол қызықты кімдер бұзып сызыпты

Естеліктер еске салып күлдірер

Дәл сол шақтар қуанышты,қызықты-дей отырып түлектерімізге арналған бейнебаянды көрейік.\видео\

 

1Жүргізуші:  Құрметті ата-аналар, ұстаздар, қонақтар, түлектеріміздің «Қоштасу вальсін» тамашалайық.

 

2Жүргізуші:Ата-ана тәрбиелеп балапанын,

Әлдилеп, аялаған алақаның,

Болашақта бақ тілеп тұрасыңдар,

Ойлауменен алдағы бала қамын – дей отырып сөз кезегі жас түлектердің ата-аналарына беріледі.

 

2Жүргізуші: Қымбатты түлектер! Жыл сайын бір белден асып, 9 көктем, 9 күзді өткізген мектеп сендерге қимастықпен қарайды. Ұстаз қауымы мен мына жиналған халық сендерге тек сәттілік, ақ жол тілейді, армандарыңның биік шыңына жете беріңдер.

 

1Жүргізуші:   Қоштасады ұшқан ұяң – мектебім,

Маңдайынан сүйіп өтер көктемің.

«Сәт сапар» деп қол бұлғаймыз бәріміз,

Тілейміз біз армандарға жеткенін!

 

2Жүргізуші: Құрметті қонақтар, ұстаздар, ата-аналар, шәкірттер! Осымен 2020-2021 оқу жылын аяқтауға арналған «Сәт сапар, жас түлек!» атты салтанатты кешімізді жабық деп жариялаймыз.